Dancer gipatay duol sa simbahan, PS

CEBU, Philippines – Wala na’y kukahadlok ang nipusil patay sa usa ka dancer dili layo sa police station ug dili layo sa simbahan sa Carcar City alas 10:30 sa gabii niadto’ng Domingo.

Ang biktima mao si Pantaleon Indig, 19, sakop sa usa ka dance group nga taga Luan-Luan, Poblacion 1, Carcar ug parking boy sa merkado

Matud ni PO1 Regie Amad sa Carcar City Police Station nga atol sa ila’ng pagresponde, bisan sa kadaghan sa mga tawo sa lugar wala’y nakatumbok sa mamumuno ug igo na lang nibutyag nga nagtaptap og itom dayon sibat human sa pagpamusil. Dali pa unta nga gidala sa Carcar City District Hospital ang biktima apan gideklarar sa mga doktor nga patay na human nakaangkon og usa ka samad pinusilan sa nawong sa wala pa matino nga kalibre sa armas.

Si Amad nibutyag nga personal nga bangi o suya-suya ang usa sa mga gitutukan tungod kay matag higayon nga mahuman ang kalingawan sa dakbayan, anha sa plaza sa simbahan mag-showdown og sayaw ang biktima kuyog sa mga kagrupo niini.

Matud ni Amad nga malaumon gihapon sila nga adunay makahatag og dugang impormasyon gikan sa baga’ng duot sa katawhan nga nakasaksi sa insidente. Ang kapolisan niresponde human nakadungog og sipa nga buto apan wala sila’y nakit-an nga kabhang sa bala. – /GMR) (BANAT NEWS)