Sunog sa Mandaue midanyos og P500 mil

CEBU, Philippines - Ang napasagdan nga gipabukal nga tubig didto sa kusina sa usa ka balay sa Sitio Macupa, Ibabao-Estancia, Mandaue maoy nakaingon sa sunog nga nagbilin og mga P500 mil nga kadaot kaniadtong Martes sa gabii.

Ang sunog nakontrolar hinuon dayon paglabay sa 25 minutos diha nga miabot ang kabomberohan, sumala pa ni Senior Fire Officer-2  Cefriano Codilla nga maoy imbestigador sa Mandaue City Fire Station.

Gituohan nga nahubas ang tubig ug hinungdan nga misilaob ang takuri ug nakamugna’g sunog sa balay nga gipanag-iya ni Leoncia Cortes. Hinoon, padayon pa ang kabomberohan sa ilang paghimo og imbestigasyon.

Matud ni SFO3 Codilla nga ang nasunog   mga kasikbit nga panimalay ni Cortes apan tungod kay daplin ra man kini sa karsada dali ra nga napugngan ang pagtabok sa kayo ngadto sa ubang kabalayan.

Wala’y naangol o namatay sa maong sunog. (BANAT NEWS)