Nag-oral sex

CEBU, Philippines – Wala matiwas ang pagtagay sa kalipay sa usa ka langyaw ug usa ka bayot human sila nasakpan sa duha ka guwardiya samtang nag-oral sex diha sa  3rd level parking lot sa Mango Square sa Barangay Kamputhaw ning dakbayan sa Sugbo kagahapon sa kaadlawon.

Ang gipangdakop mao ang 24-anyos usa ka Czech national, samtang ang bayot 26-anyos nga taga Sitio Lagura, Brgy. Bulacao ning dakbayan sa Sugbo.

Sumala pa ni Police Officer 1 Christian Rollon ang desk officer sa Fuente Police nga nahinabi sa Banat News nasakpan ang duha sa mga guwardiya nga sila si SG Jefferson  Narvasa ug SG Junrey Bardago  diha sa parkingan.

Matud pa ni Rollon nga nakahubo na ang ubos nga sapot nga bahin sa langyaw samtang nagluhod ang bayot sa iyang atubangan dihang naabtan.

Ang duha ka mga guwardiya nag-roving sa lugar aron bantayan ang mga sakyanan gikan sa mga kawatan apan wala sila nagtuo nga mao kadto ilang masaksihan.

Ang bayot nga nahinabi sa Banat News way lipud-lipod nga miangkon sa law-ay nilang gibuhat sa langyaw ug miingon nga nadala lang sila sa kaibog ug kainit sa lawas.

Matud pa niya gikan sila nag-disco sa maong dapit ug sa dihang iyang nakita ang langyaw nga mipaingon sa parking area iya kini nga gisundan.

Sigun pa sa bayot  nga nagtuo kini nga duna’y sakyanan ang langyaw ug gusto kini nga mosakay ug magpa-drop sa ilang gipuy-an, apan gumikan sa kahigam nahimo nila ang pagtagay bisan og anaa sa parking area.

“Abi nako naa siya’y awto magpa-drop unta ko, unya nagbigabiga man sad ko, mao ‘to nahitabo nasakpan mi sa parking lot sa Mango,” matud pa niini.

Dugang pa niya nagkaila na silang daan sa lugar sa langyaw human sila nagkadungan kaniadto sa pag-inom.

Apan bisan pa man sa pagangkon sa bayot, ang langyaw kusganong mihimakak niini dihang nahinabi sa Banat News.

Matud niya naglakaw lang siya sa maong dapit dihang naabot ang maong bayot ug nisunod og abot ang guwardiya apan nahibulong siya nga gipangdakop silang duha.

“No it was dark until she lurked in,” dugang pa sa langyaw kinsa miingon nga mao pa kini ang una niyang pagsuroy sa maong lugar tungod kay mihapit lang sila sa iyang mga kauban aron moadto sa lungsod sa Oslob.

Matud niya kun makagawas na siya sa prisohan mopadayon gihapon kini og adto sa Oslob ayha moadto sa China.

Nasayran usab sa liquor test nga positibo ang langyaw. Ang duha kasohan karong adlawa og grave scandal diha sa piskalya. – /EIM) (BANAT NEWS)