Pananum og guyabano gipalambo sa Toledo

CEBU, Philippines – Mokabat na sa 30,000 ka luyong sa guyabano o sabana ang gipanghatag sa kagamhanan sa dakbayan sa Toledo ngadto sa mga mag-uuma.

Matud ni Konsehal Zosimo Abellanosa nga bisan kinsa nga mangayo nga taga Toledo ila’ng hatagan.

Ang ubang luyong gikan sa Carmen Copper Corporation isip tabang sa mga mag-uuma.

Makuha ang mga luyong sa buhatan sa Department of Agriculture sa dakbayan sa Toledo.

Tumong niini nga makahatag ug makaabag og dugang kita sa mga motanum sa mao’ng prutas gumikan sa abunda nga medicinal properties nga makuha gikan niini. – /GMR) (BANAT NEWS)