One-way traffic sa Mandaue ipatuman

CEBU, Philippines - Ipatuman karong Miyerkules ang re-routing sa mga sakyanan sa dakbayan sa Mandaue isip dry-run sa one-way traffic scheme sa pagsulbad sa grabe’ng trapik. Si Glenn Antigua, officer in-charge sa Traffic Enforcement Agency of Mandaue (TEAM), niingon nga ila’ng gipaningkamutan ang sayo nga pagsugod sa re-routing pagseguro nga ang mga drayber dili magkabuang sa ila’ng pag-agi panahon sa Asia-Pacific Economic Conference (APEC) karong Agosto hangtud Septiyembre.

Matud ni Antigua nga ang City Engineering Office ang gitahasan sa pagpahimutang sa mga signages nga mogiya sa mga drayber.

Gitataw ni Antigua nga dili lang alang sa mga public utility jeepneys (PUJ) ang one-way traffic scheme kun dili nalakip usab niini ang mga pribado nga mga sakyanan. - /GMR (BANAT NEWS)