MCPO stations hataga’g P5 mil
CEBU, Philippines – Hatagan ni Mayor Jonas Cortes og tag P5,000 ang mga presinto sa Mandaue City Police Office (MCPO) aron mokugi sa kampanya batok sa ilegal nga drugas.
Ang pundo gamiton sa mga operasyon lakip na sa pagpaniid sa ilegal nga kalihukan ug ingon man ang buy-bust operation nga ilang himuon.
Si Cortes nitataw nga iyang gisugyot nga ang matag polis sa dakbayan ang mapaubos gyud sa drug test matag buwan isip rekisito sa pagkobra sa binuwan nga allowance. Gipasabot niya nga sa kampanya batok ilegal nga drugas kinahanglan usab nga ang kapolisan maseguro nga wala’y nalambigit niini.
Iya’ng gisugyot sa kadagkuan sa MCPO nga mohimo og pagtuon alang sa pagdugang pa og duha ka presinto sa kapolisan.
Matud niya nga ang kasamtangang unom ka presinto dili pa igo pag-atiman sa kahapsay ug kalinaw tungod kay may mga barangay man nga layo sa kapolisan. – /GMR) (BANAT NEWS)
- Latest
