P1M shabu nasakmit sa RAIDSOTG
CEBU, Philippines – Mokabat kapin P1 milyon nga shabu ang nasakmit sa mga operatiba sa Regional Anti-Illegal Drugs Special Operations Task Group-7 ug Philippine Drug Enforcement Agency-7 ang nasakmit kagahapon sa hapon diha sa Sitio Mahayahay, Barangay Calamba ning dakbayan sa Sugbo.
Apan gibutyag ni Senior Inspector Joey Bicoy nga nakaipsot ang target nila nga si Marilyn Mayang kinsa ilaha untang sikupon pinasikad sa warrant of arrest sa kalapasan sa Section 11 sa RA 9165 nga giisyu ni RTC Branch 71 Judge Eric Menchavez.
Apan nadakpan sa RAIDSOTG ang giingong batabata ni Mayang nga si Roy Cadajar,26. Nakuha gikan sa balay ni Mayang ang 15 ka medium packs, 15 ka small packs nga may gibug-aton tanan nga 85 gramos nga gidudahang shabu ug halin niini nga P3,100.
Sumala pa ni Bicoy hugot kaayo ang seguridad ni Mayang hinungdan nga dali kining nakalayat sa bintana. Si Mayang giisip nga usa ka level 2 drug pusher. – /EIM) (BANAT NEWS)
- Latest
