Graham magwali sa Sugbo
CEBU, Philippines – Gitawag og Celebration of Life ang duha ka daku’ng kalihukan sa Sugbo ug Tacloban nga pasiugdahan ni William Franklin Graham IV, apo sa bantugan nga ebanghelista sa Amerika nga si Billy Graham.
Kini ang gipahibawo ni Evangelist Eric Orgen atol sa 888 News Forum sa Marco Polo Plaza kagahapon.
Matud ni Orgen nga tumong niini ang pagwali sa pulong sa Ginoo ngadto sa katawhan.
Una’ng mopa-higayun sa kalihukan si Graham sa grandstand sa Leyte Sports Development Center sa Tacloban City sa Marso 21 hangtud 22 dayun sa South Road Properties (SRP) sa dakbayan sa Sugbo sa Marso 27 hangtud 29.
Gikan sa 869 ka relihiyoso’ng pundok ang gilauman nga motambong sa kalihukan.
Giawhag ni Orgen ang tanan sa pagpaminaw sa Balaang Pulong nga wala’y relihiyon nga gipili ug libre kini alang sa tanan. – /GMR) (BANAT NEWS)
- Latest
