Retiradong seaman gipatay
CEBU, Philippines – Patay ang usa ka retiradong seaman samtang naangol ang 9-anyos niyang sinagop human gipamusil sa wala mailhi nga mga lalaki sa sulod sa ilang balay sa Barangay Ubogon, Asturias sa miaging gabii.
Naila ang mga biktima nga sila si Hermes Ramada Longino, 68 anyos, biyudo ug usa ka retiradong seaman ug ang sinagop 9-anyos nga batang babaye nga iyang sinagop.
Base sa imbestigasyon sa Asturias Police Station, samtang nangandam na aron mamahuway ang mga biktima dunay kalit namusil kanila gikan sa ilang bintana. Gidali pagdala ang mga biktima sa Balamban District Hospital, apan gideklarar nga patay si Longino tungod sa upat ka pinusilan sa iyang lawas. Samtang luwas na gikan sa peligro ang iyang sinagop kinsa gidala sa Vicente Sotto Memorial Medical Center. Gisubay karon sa kapolisan ang report nga dunay nakabangi ang namatay tungod sa yuta. – /EIM) (BANAT NEWS)
- Latest
