Pang-Olympic nga pool tukuron sa Naga
CEBU, Philippines - Tukuron sa kagamhanan sa dakbayan sa Naga ang eight-lane Olympic size nga swimming pool sa Ocean Park sunod tuig.
Tumong niini nga mabansay ang mga batan-on nga swimmers sa siyudad.
Si Mayor Valdemar Chiong nagkanayun nga ang pagpatukod sa swimming pool makahatag og pabor sa mga batan-on nga buot i-develop ang ilang abilidad sa paglangoy.
Sa national sports events sa Palawan, adunay mga estudyante sa siyudad ang midaug sa tennis competition.
Ang siyudad duna na’y tennis court nga duol sa lugar diin tukuron ang swimming pool.
Ang Naga bag-ohay lang natapos sa ilang expansion sa 5,000 metro kwadrado nga seafront reclamation project sa Ocean Park.
Ang swimming pool nga tukuron sa Ocean Park duna’y landscaping ug grandstand diin gibana-banang mokabat ngadto sa P10 milyones ngadto sa P12 milyones ang gikinahanglang budget. (BANAT NEWS)
- Latest
