PO1 Bayate gikonsiderar nga suspek
CEBU, Philippines – Natagbaw si Cebu City Police Office director Noli Romana sa gihimong reenactment sa nahitabo kalabot sa kamatayon ni Police Officer 1 Heidi Garcia diha sa sud sa gipuy-an sa laing policewoman nga si PO1 Cyrelle Marie Bayate sa Asuncion St. Barangay Sambag 1, Cebu City kagahapon.
Ang reenactment gihimo aron pagklaro ug pagkomparar sa nahaunang mga pamahayag pagkahuman sa hitabo niadtong miaging semana.
“Nagkaroon tayo ng walk through…pina-back track natin ang circumstances that led to the fatal shooting of the victim (Garcia). In search for truth and justice ‘tong ginawa natin…satisfied na man ako sa kanyang statement,” matud pa ni Romana, bahin sa pagbalik-lantaw ni Bayate sa nahitabo. Apan nasayran sa reenactment nga dili si Bayate maoy dunay kaestorya sa cellphone kondili si Garcia niadtong Biyernes. Matud pang Bayate, samtang nag-andam siya pag-report sa trabaho, nakadungog siyang dunay kaestorya sa telepono si Garcia.
Dihang iyang gipangutana mitubag kini nga usa ka PO1 Romeo Otoc nga usa ka police trainee ang iyang kaestorya, apan si Bayate wala motoo ug iyang gihangyo si Garcia nga i-loud speaker ang cellphone apan mibalibad si Garcia ug mitalikod.
Duna pay mga gipamahayag si Bayate nga nadugang sa impormasyong natigom na sa mga imbestigador. Si Bayate miingon nga gisuwayan pa unta niya og badlong si Garcia pag-cock niini sa armas apan uwahi na ang tanan tungod kay gition niya kini sa dughan ug mibuto.
Gimando ni Romana nga subayon ang profile ug background ni Garcia kung unsa kini mo-handle sa iyang problema kaniadto.
“Fortunately may medical exams na ginawa sa lahat ng PNP applicants bago pa andiyan pa ‘yung records. I would like to see the result Neuropsychiatric screening…to establish sa kanyang personality,” matud pa ni Romana.
Sa pagkakaron, di pa gihapon makasulti si Romana kung suicide, gipatay o aksidente ang nahitabo. Magpabilin gihapon si Bayate sa kostudiya sa kapolisan ug gikonsidera na nga usa ka suspek. – /EIM) (BANAT NEWS)
- Latest
