Lola gikawatan og P100 mil

CEBU, Philippines – Nabiktima sa kiriwan og kamot ang usa ka lola nga negosyante human gikawatan sa iyang tindahan sa Toledo City Public market. Si Anelita Basalo, 62, nga taga Camancelis, Talavera, dakbayan sa Toledo ang mitaho sa buhatan sa kapolisan sa insidente.

Matud sa biktima nga siya lang usa sa tindahan ug nagkapuliki sa pagpamaligya. Dihang nangita siya sa iyang cellphone, iyang nama-tikdan nga nawagtang ang iyang bag diin sulod ang iyang mga importante nga gamit ug kwarta nga gibana-banang mokabat sa P100 mil. – /GMR) (BANAT NEWS)