Duha ka pushers nasikop sa Argao
CEBU, Philippines - Nasikop sa kapolisan ang duha ka lalaki nga gidudahang drug pushers sa buy-bust operation sa lungsod sa Argao sa miaging adlaw.
Ang nasikop mao sila si John Mark Aballe, 31, ug Gilbert Comaling, taga barangay Canuje sa maong lungsod.
Pasado alas 7:00 sa buntag miadto sa balay sa suspek ang kapolisan nga gipangulohan ni Inspector Alejandro Batobalonos, ang hepe sa Argao.
Usa ka civilian asset ang misuway og palit og usa ka pakete nga shabu sa suspek balor og P200 ug gitunolan siya sa asset og P500 nga buy-bust money hinungdan sa iyang pagkasikop.
Dihang girekisa sa kapolisan ang suspek nakuhaan kini og lain pa’ng walo ka pakete nga shabu samtang si Comaling nakuhaan sab og usa ka pakete nga shabu.
Nakakuha sab ang kapolisan gikan sa balay ni Aballe og drug paraphernalia ug ang buy-bust money.
Ang operasyon gisaksihan ni Kapitan Marciano Agrabio ug ni Kagawad Anecito Alberca sa Barangay Cansuje. (BANAT NEWS)
- Latest
