Carillo mag-kongresista?
CEBU, Philippines - Gituboy ni Cebu City Mayor Michael Rama si Konsehal Gerardo Carillo nga modagan pagka-kongresista ubos sa Team Rama sa 2016.
Si Rama mibutyag nga nagsige na siya og sulti kang Carillo kung interesado ba kini nga mag-kongresista.
“I’ve been already saying that all the time if he has interest to run for Congress and we are bringing him to be our candidate by 2016,”matud ni Rama.
Matud ni Rama nga taas na og kasinatian si Carillo sa politika ug angayan na kini’ng mag-kongresista.
Si Carillo sa iyang bahin nagkanayon nga layo pa ang eleksiyon apan bukas siya sa maong hagit. Si Carillo miangkon nga miliyok na siya sa kabarangayan aron pagkonsulta sa katawhan ug makuha niya ang mga komento niini kung modagan siya sa maong posisyon.
Dugang ni Carillo nga iyang dawaton ang hagit sa pagdagan isip kongresista ug isip usa ka abogado ug magbabalaud, mahimo niya ang gimbuhaton isip kongresista. (BANAT NEWS)
- Latest
