Mga tinun-an magsugod naog summer job sa City Hall
CEBU, Philippines - Naghinamhinam na sa pagpanso sa ilang mga Daily Time Record (DTR) ang mga batan-ong nakaapil sa Special Program for Employment of Students (SPES) sa Cebu City Hall sayo sa buntag karong adlawa.
Ang programa sa Department of Manpower Development and Placement (DMDP) nga SPES usa ka pamaagi sa pagtabang sa mga tinun-an nga naa na sa ika-upat nga tuig sa hayskul ug mga anaa sa kolehiyo nga makapangita og trabaho karong panahon sa bakasyon.
Si Gladies Mae Manayon nga taga- Alaska, Mambaling mibutyag sa Banat News nga wa niya ikauwaw nga ang iyang ginikanan manindahay og balot. Ug iya kining giisip nga usa ka giya nga magtinarong sa iyang pagtuon ug pagpangita og paagi nga makatabang kanila.
“Kuan, aside sa kwarta nga amo’ng madawat ani, lahi pud ang experience, ang makatagbo og mga bag-ong kaila, bag-ong pagtulun-an ug makatabang sab sa among future employment,†saysay pa ni Gladies.
Sugdan karon ni Gladies uban sa pipila ka mga batan-on ang ilang trabaho nga molanat og baynte ka adlaw gikan sa alas-otso sa buntag hangtud sa alas singko sa hapon. (BANAT NEWS)
- Latest
