Pabuto higpit nga gidili sa Mandaue

CEBU, Philippines - Higpit nga  gidili  sa  mga  tinugyanan  sa  bombero  ang  pagpamaligya  og  pabuto  o  firecracker sa dakbayan  sa Mandaue

Si Fire/Chief Inspector Ronaldo Orbeta, City Fire Marshal  sa Bureau  of Fire  Protection (BFP) mibutyag  nga  ang  iyang  buhatan wala  moluwat  og clearance  ni  kinsa  mang  aplikante  tungod  kay  ang  pagpamaligya  og  pabuto sa Mandaue  illegal.

Matud niya  nga  makig-alayon  sila sa kapolisan  sa siyudad  aron  sa pagsakmit  sa mga  baligyang  firecracker.

Ubos  sa   Republic Act 9614 o   ang Fire Code of the Philippines,  ang BFP  gitasahan  sa  pagluwat og  clearance  ni  kinsa  man nga  gustong  mamaligya  og  pabuto .

Miingon  si Orbeta   nga  ang  pagpamaligya  og firecracker  kinahanglan  anha  sa dapit  nga itudlo  sa   lokal  nga unit  sa kagamhanan  ug  sa   Department of Interior and Local Government (DILG).

Kadto  lamang  mga  lugar nga  layo  sa mga  kabalayan  ug  pamatigayon   ang  mahimong  itudlo  isip  sentro  nga  displihanan   sa pabuto  ug   ideklarar  nga  no  smoking  zone  ug  may  fire  extinguisher  ug  baril  sa tubig  nga  pundo.

Hinuon  miingon  si Orbeta   nga  may  duha  ka negosyante    nga  namaligya  og  pyrotechnics  sa  mga mall  nga  naluwatan  nila  og  clearance.

Ang Pyrotechnics makalingaw  tan-awon  tungod  sa siga  ug  sa kahayag  niini  sa nagkalainlaing  kolor nga  mobukad  inigsaka  na  sa ibabaw ug  walay  peligro  sa kinabuhi  sa tawo.

Lahi  sa firecracker sama  sa   triangle, watosi ug  uban  pa  nga  anha  mobuto  sa yuta  nga  delikado  kaayo  sa  kinabuhi  sa mabuthan. (BANAT NEWS)