602 ka polis na-promote
CEBU, Philippines - Mokabat sa 602 ka mga polis sa Central Visayas ang na-promote sa taas nga ranggo. Muabot sa 579 ka mga non-commissioned officers ang na-promote pinaagi sa kamanduan ni Police Regional Officer (PRO)-7 Director, Chief Supt. Danilo Constantino ug laing 23 ka mga commissioned officers na-promote pinaagi sa kamanduan ni Police Director General Alan Purisima.
Sa 579 ka mga PNCOs, 353 nag-ranggo na karon ug Police Officer 2; 175 ang SPO1; 15 ang SPO2; ug 16 ang SPO4.
Sa mga PCO, tulo ang misaka sa pagka-Inspectors, 16 ang Police Inspectors, usa ang Chief Inspector ug tulo ang Superintendents.
Si Compostela police chief, Sr. Insp. Mia Rose Burlat mibutyag nga nagpaabot siya og upat ka tuig una siya na-promote nga iyang gipasalamat pg dako isip bag-ong hagit sa iyang pagkapolis.
Si Mia Rose naminyo kang Sr. Insp. Ruel Burlat, team leader sa Regional Special Operation Group (RSOG)-7 kinsa na-promote usab sa samang ranggo.
Si Constantino mipahimangno sa mga bag-ong mga na-promote nga apil niini ang taas nga ekspektasyon sa ilang mga kaubanan ug nagpaabot ang mas dako nga pagsuway.( /EIM)(BANAT NEWS)
- Latest
