DepEd mopatuman sa anti bullying act
CEBU, Philippines - Ang Department of Education (DepEd-7) sa Central Visayas hugot nga mopatuman sa Anti Bullying Act human kini pirmahi ni Presidente Benigno Aquino III ngadto sa pagkabalaod.
Subay niini, gidayeg ni Dr. Arden Monisit, Schools Division Superintendent sa probinsya sa Sugbo si Presidente Aquino sa pagpirma sa Republic Act 10627 o ang “Anti-Bullying Act of 2013â€.
Kini tungod kay matud pa ni Monisit daku kining tabang sa kasamtangang palisiya sa DepEd nga moprotiher sa mga tinun-an.
Sumala pa ni DepEd Secretary Armin Luistro nga ang maong balaod makahatag og dakong kadasig sa pagpadayon sa pagpalambo sa tunghaan.
Kini aron nga mahimong luwas ug usa ka nagpakabanang institusyon sa mga magtutungha sa nasud. Gitakda nga sugdan na sa DepEd ang paggama sa implementing rules and regulations (IRR) niini pinaagi sa pagkonsulta sa mga ginikanan, magtutudlo ug uban pang sektor.
Ubos sa maong balaod, ang tanang mga tunghaan sa elementary ug high school gimanduan sa paghimo og palisiya aron masumpo ang bullying kon panaugdaog diin tanang mga ginikanan, mga magtutudlo ug guardian hatagan og kopya sa maong IRR. (/WC) (BANAT NEWS)
- Latest
