Uyoan gipatay

CEBU, Philippines - Patay ang usa ka uyoan human gidunggab sa iyang pag-umangkon diha sa sitio KSKC, barangay Tungkop lungsod sa Minglanilla kagahapon sa kaadlawon.

Ang biktima naila nga si Michael Zafra Torres, 30, usa ka habal-habal drayber lumolupyo sa maong dapit.

 Ang suspek gipasakaan na og kaso mao si Kevin Torres Alfante, 22, taga sitio Tabay, barangay Tunghaan sa mao gihapong lungsod.

Nasuta nga nagkasumbagay ang duha  gikan nag-inom nga miresulta sa pagdunggab sa suspek ngadto sa uyoan.  (BANAT NEWS)