Rama: No breakdown of peace and order

CEBU, Philippines - Taliwala sa misiaw nga kaso sa pagpamusil sa dakbayan sa Sugbo sa niaging semana, ang mayor sa dakbayan sa Sugbo dili motoo nga duna nay breakdown sa peace and order.

“There is no breakdown of peace and order. You cannot be conclusive about it,” si Mayor Michael Rama namulong. Pasabot niya, mas grabe pa ang sitwasyon pipila ka tuig ang milabay dihang milihok ang gitawag nila og vigilante diin usa ka grupo sa mga mamumuno ang mihurot pagpamusil patay sa mga gitoohang sagbot sa katilingban.

“Mas grabe pa to niadto nga 137 ka mga ulo ang gipangbuak,” matud ni Rama. Iya usab gitataw nga bisan pa man nag-atubang sa pagsuway ang kapulisan ug ang city government sa pagsulbad sa kriminalidad, dili kini panahon sa pagtuluranay kung si kinsa ang angay nga basulon. “Dili man nato ma-control ang utok sa mga perpetrators.

Tabangan ni nato tanan aron masulbad. Kumpletuhon nato ang kahimanan sa police. CCTV, communication, mobility, community involvement. This is for the administration of justice and institutionalization of the five pillars of justice,” ang mayor mipasabot.

Ang gisaad nga usbaw sa allowance sa mga pulis sa dakbayan ipadayon usab sa mayor sa iyang umaabot nga ikaduhang termino.  (FREEMAN)