JVR di mo-reshuffle sa mga kawani

CEBU, Philippines - Ang bag-ong napiling mayor sa siyudad sa Talisay nga si Johnny delos Reyes mipasidaan  kagahapon  nga  kutob   sa mga department head nga  dili  mosuporta  sa iyang  administrasyon  posibleng iyang ibalhin og pwesto.    

Si Delos Reyes  nga  mosugod  na  sa trabaho karong  Hulyo 1, 2013  nagkanayon  nga dili siya molahugay  sa mga department head  ug dili usab siya motaktak sa mga job order ilabi na sa mga nailhang supporter sa mga Gullas  gawas  lang  niadtong  dili mosuporta  kaniya.

Gipasabot ni Delos Reyes nga ang iyang kadaugan dili kapildihan sa mga kawani sa city hall ug dili usab maayo nga maglipay siya kay makapalagpot   og mga kawani sa city hall nga misuporta sa mga Gullas.

Matud ni Delos Reyes nga gusto niya   nga mohatag  og patas nga serbisyo ngadto sa iyang mga supporter ug sa wala mosuporta kaniya.

Nagplano   usab  siya   nga  makig-estorya sa mga majority councilor  aron  iyang  ipadayag   nga  musoporta  siya  kanila  kun  mosuporta  usab  sila  kaniya.

Ang bag-ong sakop sa majority sa konseho sa Talisay nga kaalyado ni Gullas mao sila si konsehal Choy Aznar, kanhi Talisay City Mayor Socrates Fernandez ; Dennis Basillote,; Dory Emit; Antonio Bacaltos Jr,. ug Eduardo “Digul” Gullas III .

Samtang  ang  mga  sakop  sa minoridad  nga  grupo  nga  kaalyado  ni  Delos Reyes  mao  sila  si Danny Caballero, Val  Ylanan  ug Aldin Diaz. (BANAT NEWS)