Pagpangapawong sa suga gitakda sa NGPCP

CEBU, Philippines - Ang National Grid Power Corp. of the Philippines (NGPCP) mipahibawo nga  mapawong  sa serbisyo  sa kuryente  niini sa Sugbo ug  sa ubang parte sa Leyte karong Abril 19 gikan sa alas 6:00 sa buntag hangtod alas 6:00 sa hapon.

Kini maglangkob  sa  mga linya sa transmisyon sa  138kV Ormoc-Maasin-Ubay.   Samtang sa  Abril 21  mapawong  usab  ang  serbisyo  sa sugang dagitabnon sa  Ubay-Alicia, Bohol  gikan sa alas 8:00 sa buntag ngadto sa alas 5:00 sa hapon. Dinhi  sa  Sugbo  apektado  usab  sa pagkapawong  sa kuryente  ang  mga  giserbisyohan  sa  VECO ug CEBECO  sa dapit  sa  Compostela-Consolacion  sa umaabot Abril 28 gikan sa alas 8:00 sa buntag ngadto sa alas 5:00 sa hapon.   Giklaro sa NGPCP nga ang tanang  schedule  sa pagkapawong  sa suga tentatibo pa  apan  kun  wala  nay  kausaban,  mahimo  na  nga  ikapatuman  base  sa gi-schedule  na  nga terporaryong  pagkaputol  sa serbisyo  sa kuryente  sa nahisgotang  mga  lugar.

Usa  sa hinungdan  niini  mao  ang gitawag  nila  nga  periodic maintenance  check  sa maong  mga  pasilidad  sa kuryente. (BANAT NEWS)