Gibiyaan sa pamilya kit-ang patay sa dagat
CEBU, Philippines - Patay nang nakit-an ang usa ka ginang nga naglutaw-lutaw sa dagat nga gituohang nagpakamatay pinaagi sa paglaslas sa iyang pulso diha sa sitio Bantayan sa barangay Tuyom sa siyudad sa Carcar kagahapon sa alas 9:35 sa buntag. Ang napalgang patay mao si Joy Baring Alleson, taga Sitio Dandan, barangay Poblacion Uno sa siyudad sa Carcar.
Matod ni PO2 Abelardo Beton sa Carcar City Police Station dihang nahinabi sa Banat News subay sa imbestigasyon ang ginang nahaw-as sa dagat human si kapitan Daphnie Babao mitawag sa kapulisan.
Sa pag-responde gisuwayan pa og dala sa Carcar City District Hospital ang ginang apan gideklarar kini nga patay na.
Sa gihimong dugang pakisusi sa kapulisan nasuta nga dunay samad linaslasan sa walang pulso si Alleson nga gituohang maoy nakaingon sa hinanali niya nga kamatayon.
Dugang inpormasyon nga nahipos sa kapulisan gibiyaan sa iyang bana ug mga anak kay nakigpuyo kini sa laing babaye. (BANAT NEWS)
- Latest
