CEBU, Philippines - Gipatuman na ni Bureau of Customs (BOC) Commissioner Rozzano Rufino "Ruffy" Biazon ang paglahugay sa mga dagkong opisyal sa BOC sa tibuok nasud.
Base sa kamandoan, si Cebu Customs District Collector Ronnie Silvestre adto na idestino sa Clark International Airport (CIA) isip OIC Collector.
Samtang ang mohulip kang Silvestre nga OIC collector sa Port of Cebu mao si Collector Edward dela Cuesta nga gikan sa CIA.
Lakip nga nabalhin og destino mao sila si manlalaban Ma. Lourdes Mangaoang nga kanhi Head X-ray Inspection Project sa BOC ug maoy OIC sa Port of Cagayan de Oro (CDO) City, manlalaban Adelna Molina kanhi Acting Chief Office of the Commissioner (OCOM) karon OIC Port of Subic, manlalaban Roberto Sacramento… gikan sa Ninoy Aquino International Airport (NAIA) isip Deputy Collector for Operations ibalhin sa pagka OIC sa Port of Zamboanga.
Samtang si manlalaban Anjo Nereo Castigador kanhi District Collector sa Port of CDO gibalik sa OCOM gumikan sa nadawat niini nga dismissal order gikan sa Ombudsman.
Matud pa ni Biazon nga ang tuyo niya sa paglahugay sa maong mga opisyal mao nga aron makab-ot ang dugang kalamboan niini sa koleksyon sa adwana niining tuig 2013.( /WC) (BANAT NEWS)