Yuta sa Capitol gigamit sa Naga

CEBU, Philippines - Gipirmahan nila ni Gobernador Gwendolyn  Garcia ug Naga City Mayor Valdemar Chiong ang Deed of Usufruct nga nagtugot sa kagamhanan sa dakbayan sa Naga sa paggamit sa 2mil metro kuwadrado nga luna sa kagamhanan sa lalawigan sa barangay Inayagan, sa  maong  siyudad  sulod sa 25 ka tuig. Kaubang  namirma  usab  sa nahisgutang  kasabotan    isip   mga  saksi sila si Cebu Third District Congressman Pablo John PJ Garcia, First District Congressman Eduardo Gullas ug ang iyang apo nga si Samsam Gullas. Gipaabot nga magtukod  og mga eskuylahan ang kagamhanan sa dakbayan sa Naga sa naasoy nga luna isip extension  sa Inayagan Elementary School. Kini  sa tinguha  maluag-luag  ang  naghuot  karon  nga  mga  lawak  sa mga tulunghaan  sa elementary  ug  high  school  sa maong  barangay  gumikan  sa nagsugwak   nga  mga  estudyante   sa maong  dapit.

Ang maong kalambuan gihangop ni Mayor  Chiong  ug nagpasalamat  kini  sa  gobernador.

Samtang si Congressman  Gullas midayeg  kang  Gobernador  Garcia  kay  bisan  napildi  kini  sa unang distrito sa piniliay  niadtong  2010, apan  sa gihapon  gihalad  niini  ang  iyang  kinasing-kasing  nga  serbisyo  ngadto  sa  katawhan  sa  maong distrito.

Si Gullas  kinsa  magmayor sa dakbayan  sa Talisay  mitugpo  kang Samsam  Gullas  sa pagka-kongresista  sa unang  distrito  sa lalawigan  sa  piniliay  sa 2013.

(BANAT NEWS)