CEBU, Philippines - Mo-graduate na sa umaabot nga Marso 2013 ang unang batch sa mga scholar sa scholarship program ni Governor Gwendolyn Garcia sa mga valedictorian gikan sa mga publikong tulunghaan sa lalawigan sa Sugbo.
Matud pa ni Capitol Consultant on Labor Market Information ug pangulo sa Public Employment Service Office (PESO) Capitol, Dr. Baguia nga ang maong kalambuan maoy usa sa mga maayong bunga sa programa sa gobernador kalabot sa pagpatunhay sa edukasyon.
Sumala pa ni Dr. Baguia nga tungod kay adunay gimentenar nga grado ang maong mga tinun-an, iyang gipaabot nga ubay-ubay ang mogradwar nga honor student sa sunod tuig.
Ang maong mga valedictorian nga mga scholar sa administrasyon ni Gov. Gwen Garcia anaa nagtungha sa Cebu Normal University ug Cebu Technological University. Dugang pa niini nga ang lalawigan sa Sugbo lamang ubos sa administrayon ni Gobernador Garcia maoy adunay scholarship program alang sa mga valedictorian ug mga salutatorian itandi sa ubang probinsiya sa tibuok nasud. (/WC) (BANAT NEWS)