CEBU, Philippines - Giisip ni kanhi Cebu City Fire Marshal, Sr. Supt. Aderson Comar nga floating ang iya karong kahimtang ug dili promosyon ang pagbalhin kaniya sa kaulohan.
Si Comar gibalhin sa National Capital Region isip assistant regional director for operation sa Bureau of Fire Protection.
“Promotion sa position, og ato Binisay-on, labaw pa sa floating,” matud pang Comar atol sa Tapok Tapok sa Sugbo Media Forum sa NS Hotel.
Matud pa ni Comar nga dili makatarunganon nga adto siya mag-alagad sa lugar nga dili siya suhito. “Mobalik ta sa square one ani,” sumala pa niya.
Gitumbok ni Comar si BFP 7 Director Maria Luisa Hadjula nga maoy responsabli sa pagpabalhin kaniya human kini mirekomendar sa pagtangtang kaniya sa buhatan gumikan sa giingong mga kahiwian nga iyang nahimo. (BANAT NEWS)