Kakulang sa encoders nakalangay
- Brenda Batuto (The Philippine Star) - July 29, 2012 - 12:00am

CEBU, Philippines - Hinayhinay nang naatiman sa traffic division sa dakbayan sa Talisay ang mga nagtipun-og nga police reports sa mga aksidente sa kadalanan human sa duha ka bulang pagkalangay sa dagan sa mga dokumento gikan sa maong buhatan.

Ang officer-in charge sa traffic division nga si SPO4 Cleopas Bonjoc miingon nga kuwang gyud sila og polis nga moimbestigar sa mga aksidente ug computer encoders nga maoy molihok sa mga dokumento.

Si Bonjoc mibutyag sa Banat News nga nagtipun-og ang transaksiyon sa mga mokuha og police reports dihang mipuli siya sa maong buhatan duha ka bulan na ang nakalabay.

Nasuta nila nga kini tungod kay wala nay bisan usa sa maong buhatan ang makamaong mogamit og computers human napupos ang kontrata sa mga job orders sa City Hall nga maoy nagsweldo sa encoders.

Sa pagkakaron usa ka sibilyan ang miboluntaryo nga mahimong temporaryong encoder sa ilang buhatan ang miabag kanila apan nabalaka si Bonjoc nga kadiyot lang kini tungod kay wala man silay ikapasweldo sa maong tawo.

Ang traffic division duna lang tulo ka polis nga sila si SPO2 Raul Bacayo, PO3 Henry Diano ug PO1 Rosauro Pasumala ug usa ka Field Training Police (FTP) nga si PO1 Robert Sabequil.

Ang tulo 24- oras nga mo-duty apan sal-ang og adlaw samtang ang FTP walo lang ka oras kining mo-duty kini base sa FTP manual.

Si Bonjoc nagkanayon nga angayan untang dunay walo ka personnel ang ibutang sa traffic division aron maatiman dayon ang mga problema. Ang mga polis diha sa traffic division mao kini moresponde sa mga aksidente sa kadalanan sama sa mga bangga sa sakyanan.

Si Bonjoc midugang nga nanghinaot siyang matabangan sila sa kagamhanan sa siyudad nga masulbad ang maong problema. (BANAT NEWS)

BANAT NEWS CITY HALL CLEOPAS BONJOC FIELD TRAINING POLICE HENRY DIANO RAUL BACAYO ROBERT SABEQUIL SI BONJOC
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with