^

Banat Balita

30 nagsuka-kalibang sa Badian

Nila - Darrel Carumba, Lesley Caminade-Vestil - The Philippine Star

CEBU, Philippines - Naalarma ang mga magtutudlo sa usa ka tunghaan sa lungsod sa Badian human kalit lang mireklamo ang pipila ka tinun-an sa Tubod Elementary School ug high school sa kasakit sa ilang tiyan.

Si Provincial Epidemiology Surveillance Unit (Pesu) officer Rose Jao mibutyag sa Banat News sa diha nga nahinabi kagahapon, sa miaging adlaw pa adunay nasulod nga pasyente nga susama og gibati sa mga tinun-an nga taga barangay Tubod sa maong lungsod.

Matud pa ni Jao nga kinse ka mga tinun-an ang nahidangat kagahapong adlawa sa Badian District Hospital nga nagpangidaron gikan sa 7-anyos ngadto na sa 17-anyos.

Diha sa tambalanan duna nay 2-anyos nga bata nga nagkalibanga ug ang labing edaran 75-anyos na nga nagsuka-kalibang. Sumala pa ni Jao duna nay 30 ka mga pasyente ang nalandig sa maong tambalanan.

Butyag usab ni Jao nga wala pa sila masayod kun unsay hinungdan sa suka-kalibang apan nagduda sila karon sa tinubdan sa tubig ilimnon sa barangay apan nagduda usab sila sa mga baligyang ilimnon sa duol sa maong tunghaan.

Gihulagway ni Jao nga ang mga gipamati sa mga biktima mao ang pagsakit sa tiyan, nagsuka, kalibanga ug ang uban niini gihilantan usab, kinse niini padayong giatiman sa mga doktor apan duna pay nag-abot-abot nga mga tawong susama og reklamo.

Gibutyag usab ni Jao nga ang mga health officers sa maong lungsod kagahapon sa hapon nagpahigayon na og house-to-house nga pagpahibalo nga dili una moinom sa tubig nga gikan sa ilang tinubdan.

Saysay pa ni Jao nga mokuha sila og water samples sa barangay Tubod aron masusi kung diha ba maggikan ang hinungdan sa sakit. (BANATNEWS)

BADIAN DISTRICT HOSPITAL

BANAT NEWS

BUTYAG

ELEMENTARY SCHOOL

JAO

ROSE JAO

SI PROVINCIAL EPIDEMIOLOGY SURVEILLANCE UNIT

TUBOD

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with