CEBU, Philippines - Usa ka restobar, dvd shop ug tindahan sa pizza ang diriyot hingpit maugdaw sa nahitabong sunog kagahapon sa buntag diha sa sitio Panagdait, barangay Kasambagan, dakbayan sa Sugbo.
Sa imbestigasyon sa kabomberohan ang kalayo unang miulbo diha sa kusina sa Mictest Restobar dayon mikatap ngadto sa storage room sa Alberto’s Pizza dayon ngadto sa DVD shop.
Ang maong mga establisamento nahimutang kini sa usa ka andanang building.
Usa ka kawani sa restobar kinsa wala makuha ang pangalan nakaangkon og paso sa tuong kamot dihang misuway og pawong sa kalayo samtang ang usa ka kawani sa DVD shop kinsa wala usab makuha ang pangalan ang nasamdan sa tudlo dihang mibalik kini sa tindahan aron manghakot sa mga DVD nga nahibilin.
Mikabat ngadto sa P45, 000 ang danyos sa sunog, ang alarma nadawat sa kabomberohan mga alas 6:28 sa buntag ug sulod sa usa ka minuto nakontrolar sa kabomberohan ang kayo. (BANAT NEWS)