Na-entrap nga 'doctor' gikasohan
- Rey Pasaporte (The Philippine Star) - June 8, 2012 - 12:00am

CEBU, Philippines - Gipasakaan na og kasong kriminal kagahapong adlawa sa prosecutors office

 

ang 56-anyos nga babayeng “doktor” nga gireklamo sa iyang mga pasyente tungod kay nihubag ug nanuka hinuon ang ilang mga sampot nga buot unta nilang paugduhon.

Ang mga sakop sa  Criminal Investigation and Detection Group (CIDG-7) mipasaka og tulo ka mga kaso batok ni  Gloria Rabor nga kalapasan sa  RA 2382 or Medical Act of 1959, Revised Penal Code (RPC) sa kasong estafa, ug kalapasan sa  RA 9163  possession of drug paraphernalia.

Gisuwayan unta pagkuha ang iyang habig sa mga sakop sa media, apan nagdumili si Rabor human siya nasikop.

Nasuta usab sa mga sakop sa media gikan ni Director Dan Malayan sa  Professional Regulation Commission (PRC) nga walay doktor o physician nga “Rabor” og apelyedo sa ilang data base sa Licensure Examination and Registration Information System. 

Apan sa report sa TV5 Aksyon Bisaya kagahapon atol sa pagpasaka sa kaso giingong miangkon si Rabor nga assistant ra siya sa tinuod nga doctor kaniadto ug 2nd year lang iyang natapos nga BS Biology sa kolehiyo.

Aron masusi gyud kini sutaon pa ni Malayan sa Permanent Examination Registration o Record Card sa Manila ang pangalan sa suspek tungod kay dunay mga naa sa talaan didto nga wala kanila.

Si Rabor, 56, nadakpan sa CIDG-7 sa usa ka entrapment operation sulod sa iyang pinuy-anan diha sa barangay Kinasang-an nga gihimo niyang klinika tungod sa reklamo sa duha ka babayeng nagpangidaron 34 ug 37-anyos gikan sa Bohol.

Ang duha nga naminyo og langyaw ug seaman midangop sa CIDG niadtong Lunes tungod kay ang ilang mga lubot nga gioperahan ni Rabor niadtong bulan sa Pebrero wala gihapon mohiyos sulod na sa duha ka semana gikan sila gibutangan og implants.

Dihang ilang gipahibawo niini si Rabor giingong gitambagan ra sila nga patumaron og antibiotic ug pahampolan og alogbati. (/EIM) (BANAT NEWS)

MSO RABOR SPACERUN
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with