^

Banat Balita

Naugdaw nga Gaisano ipabasura'g dali

- Ni Sanden J. Anadia/WC -

CEBU, Philippines - Nakigtigom kagahapon si Mayor Michael Rama sa mga kadagkoan sa nasunog nga Gaisano South Capital ug gimandoan kini nga ipadali ang pagguba sa maong edipisyo.

Matud pa sa mayor nga tingklase na usab ug dako kaayo ang disturbo sa maong estraktura sa karsada sa lugar nga nahimutangan niini.

Ang eskina sa mga dalan Colon ug Leon Kilat maoy nahimutangan niini ug imbis madali ang dagan sa trapiko, masangit kini sa maong eskina tungod kay gihimong one way na karon ang maong eskina ug   makabara kaayo sa dagan sa mga sakyanan.

Ang maong tindahan nasunog niadtong   Decembre sa miaging tuig apan hangtud karon wala pa mahuman og basura sa tag-iya ang mga dapat nga nasunog niini.

Gituyo sa mayor ang maong kamandoan aron masulbad na ang problema sa trapiko sa maong lugar niining mga panahona nga nagsugod na ang klase sa mga eskuylahan.

Sumala sa mayor nga mosamot unya ang maong problema sa trapiko sa maong dapit ilabi na nga mobukas na usab ang klase sa kolehiyo sa sunod semana.

Lakip sa gipatawag sa mayor kagahapon mao ang pipila ka sakop sa asosasyon sa mga kontraktor sa dakbayan aron kuhaon ang ilang habig kung aduna ba sila’y matampo sa dali nga pagwagtang sa nasunog nga department store.

Lakip usab nga mitambong sa maong miting mao ang mga opisyal sa kapolisan ning dakbayan.

Gipasalig hinuon ni Rama nga dili pasagdan sa mga tinugyanan sa   Cebu City Traffic Operations Management (Citom) ang maong dapit aron malikayan ang mga aksidente sa sakyanan.    - BANAT NEWS

CEBU CITY TRAFFIC OPERATIONS MANAGEMENT CITOM DECEMBRE GAISANO SOUTH CAPITAL LAKIP MAONG MAYOR MICHAEL RAMA
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with