Drug pusher sa Balamban sikop

CEBU, Philippines - Nadakpan sa buy-bust operation sa kapulisan ang usa ka notadong illegal drug pusher didto sa barangay Aliwanay sa lungsod sa Balamban niadtong Huwebes sa gabii.

Ang nasikop mao si Ariel Abian Soberano, 43 , ulitawo, nga taga barangay Buanoy, lungsod sa Balamban kinsa   nasakmitan og upat ka pakite sa gituohang shabu ug P1,000 nga gituohang halin sa gidiling drugas.

Si SPO1 Juluis Obanana, desk officer sa Balamban Police Station mibutyag sa Banat News nga dugay na nilang gipanid-an ang suspetsado sa ilegal nga negosyo niini hangtod nga gilusad nila ang buy-bust operation ug ila kining nasikop.

Nagkagulkol na siya karon sa prisohan samtang giandam na ang kaso nga isang-at batok kaniya.  (BANAT NEWS)