CEBU, Philippines - Pormal nga milingkod kagahapon isip mga hepe sa onse ka police station ug ubang unit sa kapolisan sa dakbayan sa Sugbo ang mga sakop sa PNP–Defense Press Corps.
Ang nagsilbing director sa Cebu City Police Office mao si Chito Aragon, reporter sa DyLA ug Cebu Daily News (CDN) dayon misunod usab ang mga hepe sa onse ka police station ug ubang unit. Si Rey Pasaporte, Correspondent sa Banat News maoy acting chief sa Homicide Section, samtang si Edwin Ian Melicio, Desk Editor sa Banat News maoy acting chief sa Parian Police Station, ang acting chief sa Theft and Robbery Section, mao si Guam Logroño, IDMB si Arnold Bustamante, Operation Branch mao si Ryan Sorote, reporter sa The Freeman, CIB mao si Davinci Maru, SWAT mao si Gabriel Bonjoc, Cebu City Public Safety Company (CCPSC) nga si Chona Carreon, sa Mobile Patrol Group mao si Paul Lauro ug uban pa. Usa sa pinasidunggang dinapit kagahapon atol sa turn over ceremony mao si Elias Bacquero ang presidente sa tanang media sa Sugbo, Chairman sa Police Coordinating and Advisory Council (PCAC) nga si Eugene Elizalde, kanhi konsehal Procopio ‘Coping’ Fernandez, representante sa PRO-7 nga si Supt. Armando Radoc, hepe sa Police Community Relation (PCR). (BANATNEWS)