PCL motukod og day care center sa mga barangay

CEBU, Philippines - Misaad ang mga opisyales sa Philippine Councilors League (PCL) Cebu Chapter nga ilang tukoran og barangay day care center ang mga barangay nga wala pa niini.

Matud pa ni Bokal Ivy Durano Meca ang PCL Cebu Chapter President nga maoy tinguha nila nga ang tanang mga barangay sa tibuok probinsiya sa Sugbo adunay day care   center ilabi na kadtong tua sa mga kabukiran.

 Iyang gitataw nga ang maong proyekto ilang makompleto pinaagi sa pundo nga ihatag ni Governor Gwendolyn Garcia.

 Kini pinaagi sa paghatag og mga container van sa matag barangay nga idonar sa pipila ka mga contractor nga kaabin sa PCL sa maong proyekto ug ingon man paghatag og P250 mil nga gahin alang sa mga barangay nga wala pay day care center. (BANATNEWS)