Doktor: Bitoy wala ba ka masayod nga kanang pagpanigarilyo mao nay hinayhinay nga mopatay nimo.
Bitoy: Ok ra Doc wala man sad ko magdali.(Toink!/Aguy!)
Hehehehehehehehe! Pero tinuod baya.
Kay kun paspas pa kaayo ang dautang epekto sa pagpanabako siguradong walay baba nga mag-aso.
Dako kay kong uyon sa pagpasaka sa multa sa ordinansa sa siyudad sa Sugbo nga nagdili pagpanabako sa pampublikong lugar.
Gawas nga dili ko hilig og yosi makapaminos ni sa dautang epekto sa mga dili intawon manigarilyo. Ang pangutana unsa ba ka seryoso ang administrasyon ni Mayor Michael Rama paggukod sa mga malapason? Labing siguro kun hilngon dunay mga sakop sa konseho o mga opisyal sa siyudad nga positibo ang simod sa nicotine.
Sigurado kaha ni silang makapugong pagsuyop ug pagbuga sa aso sa publiko nga dapit? Kinsa may moposas niining mga tawhana?
Gikan sa P100 ngadto sa P500 karon misaka na sa P2000 ngadto sa P4000 ang multa. Sa ato pa kun adik ka na gyud sa panabako siguroha nga kun sa Siyudad sa Sugbo ka magpaaso mag-andam ka P4,001.25. P1.25 para sigarilyo ang P4000 para multa.(Toink!) Hehehehehehehe! Apan ngano man sab tinuod nga daghan mang soberbiyo ug walay popanagana sa yosi bisan sa dili maayong epekto?
Kinaiya lang gyud ni sa mga tawong masinopakon? o maisip na nga apil sa atong kultura ang panigarilyo?
Alang nako pag-usik-usik lang sa tinta ang pahimangno nga nakapatik sa kaha sa sigarilyo "Goverment Warning: Smoking is dangerous to your health".
Mas maayo sigurong ilisan na og pahibalo nga nagkanayon "Government warning: If symptoms persist consult your doctor"(Toink!)
Diha bitaw bana nga sigehan og badlong sa asawa pagpanabako ug inom nakasugat og makililimos.
Buloy: Maluoy ka sir, tagai kog para palit kaon.
Bitoy: Moinom ba ka?
Buloy: Dili sir.
Bitoy: Manigarilyo ka?
Buloy: Dili sad sir.
Bitoy: Na kuyog ta sa amo.
Buloy: Tabangan ko nimo sir.
Bitoy: Pakit-on lang nako akong asawa unsay resulta sa tawong dili moinom ug manabako.(Toink!/Aguy!) Hehehehehehehehehe!
Nag-edad na og dekada ang Cebu City Anti-Smoking Ordinance.
Walay epekto tungod kay dili man sab seryoso ang pagpatuman sa ordinansa. Duna bay mahimong kalainan bisan ang multa gipausbawan kun pabiling magduka ang mga tigpatuman?
Ang pango sa Task Force Cancer of the City of Cebu (TCCC) Dr. Lucille Mercado nga nahinabi sa mga sakop sa medya miingon magsugod sila sa istriktong pagpatuman sa ordinansa sa City Hall ug Plaza Sugbo. Good start Doc hinaot walay santoson konsehal man o opisyal nga makalapas sa ordinansa.
Dihay bana nitug-an sa asawa nga nakasala siya sa ilang kaminyoon.
Senyang: Dugay nakong nasayod Dong oy nga nagtinonto ka, mao gani nga nakasala pud ko nimo timaan ana matagkasala nako mangayo gyud ko usa ka sigarilyo sa lalaki nga akong makauban.
Bitoy: Mao ba day magpinasayloay lang ta, kita kog usa ka sigarilyo ug 30 pesos sa imong hunos atleast usa pa ka sigarilyo.
Senyang: Ang gahapon ng usa ka sigarilyo dong kanang 30 pesos halin na sa usa ka kaha nakung natigom.(Toink!)
Bitoy: Aguy! Hehehehehehehehehehehehe!
(emailad:jomar_bellita@yahoo.com)