CEBU, Philippines - Mokabat sa 76 ka mga cadet sa Norwegian Shipowners Association (NSA) ang migradwar nga Magna Cum Laude ug laing 24 ka cadet ang migradwar isip Cum Laude atol sa commencement exercises sa University of Cebu Maritime Education and Training Center (UC-METC) sa Mambaling campus sa miaging adlaw.
Ang graduation ceremony gitambongan mismo sa UC Chancellor Candice Gotianuy ug ang guest speaker mao si CM George Meljoe Frange, ang NSA Project Manager
Matud pa ni Malou C. Gonzalessa ang UC-NSA coordinator nga daghang mga Norwegian nga mga opisyales sa NSA ang misaksi sa maong kalihokan uban sa mga Filipino nga opisyal gikan sa Manila nga nagrepresentar sa nagkalain-laing mga kompaniya.
Kini naglakip kanilang Lars Fredrick Bleymann, ang Deputy Director sa Norwegian Training Center didto sa Manila, Miguel Angel Rocha, ang Vice President sa CF Sharp Crew Management ug RCPO (Rederi Claus Peter Offen), Capt. Morten Johnsen, ang nagrepresentar sa tag-iya sa Kristian Gerhard Jebsens Skipsrederi (KGJS) Fleet Mgt. Benedict Jose San Luis, crewing officer sa Hoegh Fleet Services, Melecio Edem, crewing manager sa Solvang Philippines, Pav Parrote, Group Training Manager & Training Center Director sa Thome Ship Management, Jerumel Deveza, ang Thome Ship Management, Group Cadet Training Supervisor, Cheri Villasin, cadets coordinator, OSM Maritime Services, Inc., ug Gunnar Dybesland, Training Director, OSM Maritime Services, Inc. (BANAT NEWS)