CEBU, Philippines - Makigtagbo si Gob. Gwendolyn Garcia ngadto sa mga bus operators ug mga opisyales sa Land Transportation Franchising and Regulatory Board (LTFRB) karong adlawa.
Kini may labot sa gipangayong omento sa pletihan sa mga drayber ug operators nga kaniadto pang tuig 2008 nga tag P1.35 matag mosunod nga kilometro ug buot nilang mosang-at og petisyon pagpasaka niini .
Tumong ni Garcia nga direktang madungog gikan sa mga operators ang ilang reklamo.
Gipasabot usab sa gobernadora ang tinuoray nga sitwasyon sa pagsaka sa presyo sa lana subay sa kagubot nga nahitabo didto sa Libya, usa sa mga nasud nga tinubdan sa suplay sa lana.
May napirmahang Memorandum of Agreement ang mga bus operators ug ang LTFRB sa dili pagpatuman sa taas nga pletihan aron dili mapiit ang mga yanong mga pasahero ug mao kini ang buot nilang petisyonan. (BANAT NEWS)