CEBU, Philippines - Naglaraw ang napiling bag-ong presidente sa Association of Barangay Councils (ABC) sa dakbayan sa Sugbu nga si Michael Ralota nga padayunon ang “e-mic” website nga programa.
Matud pa niya sa iyahang labing unang speech kagahapon sa First Sangguniang Bayan Session nga ang maong programa nagrepresentar sa “ABCs Electronic- Management Information Center kon (e-mic).”
Kini usa ka internet connectivity paperless website nga mosuplay sa Central Electronic Gatherings alang sa matag barangay. Busa ang mga proyekto sa matag barangay ma-monitor ug ang puhunan ug promosyon sa mga programa dali lang ma-access sa publiko aron adunay transparency.
Dugang pa ni Ralota nga aron ma-standardized ang mga infrastructure nga proyekto gikinahanglan ang Simplified Construction Estimates Manual diin ihatag kini sa matag barangay. – BANAT NEWS