Naalaang asset gipusil patay

CEBU, Philippines - Usa ka barbecue vendor nga gituohang naalaan nga impormante sa kapulisan ang gipusil ug napatay sa duha ka tawong nagsakay og motorsiklo pasado alas-8 sa miaging gabii diha sa B. Aranas Extension sa barangay Duljo Fatima ning siyudad. Dead on Arrival (DOA) sa Cebu City Medical Center si Rolly Policarpio, 37, nagpuyo sa nahisgutang lugar. Samtang wala makuha ang plaka sa motorsiklo nga gisakyan sa duha ka mamumuno.

Matud pa sa kapulisan nga atol sa maong pagpamusil, usa ka tinun-an nga naagi sa dapit ang napagan ug giila nga mao si Grenard Sarmiento, 19, ug nagpuyo sa maong lugar kinsa naigo sa abaga human molapos ang bala gikan sa dughan ni Policarpio.

Si PO2 Michael Codaste sa Homicide section sa Cebu City Police Office (CCPO) nga nag-atiman sa iyang negosyo nga barbecue ang biktima sa dihang kalit lang nga miabot ang duha ka wala mailhing lalaki nga nagsakay og motorsiklo ug ang backrider nanaog mipusil kang Policarpio.

Gisubay karun sa kapulisan ang anggulo nga panimawos ug kasuko human masayri sa kapulisan nga gidudahan ang biktima nga asset sa kapulisan.  – BANAT NEWS