CEBU, Philippines - Lima ka mga opisyal sa Talisay City Police Station, upat niini ubos sa Field Training Program (FTP) gipa-ubos sa scuba diving lesson didto sa Villa Teresita Beach Resort sa barangay Biasong, sa maong dakbayan kagahapon sa buntag.
Si Anthony “Bobong” Nator usa ka scuba master maoy mibansay-bansay kanila kang Inspector Hugo Rio Ipong, uban sa upat ka mga FTP official nga sila si Inspector Alvin Llamedo, Inspector Christopher Castro, Inspector Jose Nilo Abello ug Inspector Diosdado Malazarte.
Si Ipong nga nahinabi sa Banat News nagkanayon nga gibansay nila ang ilang kaugalingon agi og panagana sa unsa mang emerhensiya nga mahitabo sa kadagatan aron nga dili sila maglisod sa pagpahigayon og search and rescue operation. Ang una nilang gitun-an mao ang pagbansay sa pagginhawa ilawom sa tubig sa swimming pool pinaagi sa baba nga nag-ukob sa regulator sa oxygen . (BANATNEWS)