CEBU, Philippines - Susihon sa Department of Health (DOH) ang mga nangguho nga water refilling station nga nag-operate nga walay permit sumala pa ni officer-in charge Angelita Salarda sa DOH-7.
Gihulagway ni Salarda nga susama’g mga ‘uhong’ nga misulpot ang mga water refilling stations dinhi sa Sugbu.
Iyang giawhag ang mga nanag-iya og water refilling stations nga mokuha’g special permit gikan sa DOH ug kinahanglan ilang ibutyag kun diin gikan ang source sa ilang tubig. Matud pa ni Salarda nga kinahanglan usab ilang ipahibawo usab sa mga tag-iya og mga water refilling stations kun giunsa nila sa pag-process sa pag-filter sa ilang tubig.
Gumikan niini giawhag ni Salarda ang tanang mga konsumidor sa mga bottled water nga tan-awon kun duna bay BFAD-7 registration number sa iyahang label ug kun wala niini mahimo nila kining isumbong sa ilang buhatan. – BANAT NEWS