Sikyu gitulis gipatay

CEBU, Philippines - Naabtan pang nagpangayo og tabang ang usa ka gwardiyang nasamdan sa pagpamusil diha sa atubangan sa iyang gibantayang bodega sa dalan E.O. Perez sa North Reclamation Area sa syudad sa Mandaue niadtong milabay’ng adlaw.

Ang biktima nailhan sa pangalan nga si Eric Antona, 30, gwardiyang security guard ug molupyo sa barangay Bahay lungsod sa Sibonga ug nag-sideline nga delivery boy sa usa ka klinika sa Mandaue.

Sigon sa imbestigasyon sa kapolisan sa Mandaue nag-off duty na ang biktima ug padulong na sa iyang sideline nga trabaho dihang kalit nga nadungog ang buto-buto diha sa gawas.

Daling gisusi sa iyang karelibo ang gawas sa bodega ug mao nalay nakita niini ang biktima nga nagkadugo ug nagbuy-od sa dalan, usa ka lalaki ang nasigpatang midagan palayo padulong sa North Bus Terminal, samtang laing lalaki ang mikuha sa motor ni Antona.

Ang biktima kinsa nadala pa sa tambalanan nakatug-an pa nga gitulis kini ug nakuha ang iyang P5,000 ug motorsiklong gimaneho. Nakuha sa kapolisan ang tulo ka kabhang sa kalibre .45 nga bala sa maong lugar. – BANAT NEW