Comendador misalig kang Velasquez

CEBU, Philippines – Gamiton sa kagamhanan sa lalawigan sa Sugbu ang mga piniriso sa Cebu Provincial Detention and Rehabilitation kon CPDRC isip outsourcing personnel sa Kapitolyo pagputos og mga school supplies.

Sumala pa ni Provincial Treasurer, Atty. Roy Salubre nga ang Kapitolyo nanginahanglan og dugang mga personnel aron mamutos sa mga school supplies sa tinuig nga pagpanghatag ni Governor Gwendolyn Garcia sa maong mga butang ngadto sa mga estudyante sa tanang mga public schools sa lalawigan sa Sugbu.

Ang gobernadora nakigsabot na ngadto sa iyang igsuong si Capitol consultant on security matters Byron Garcia nga maoy nagdumala sa CPDRC kabahin sa maong tinguha.

Ang gobernadora mingon nga inay nga mogasto ang probinsiya alang sa pag-hire og dugang mga personnel, ang mga piniriso na lamang sa CPDRC ang mohimo niini.

Si Byron mihangop sa gihimo sa gobernadora tungod kay dili man gikinahanglanon ang mga personnel nga taas og grado kay igo lamang kini sa pag-impake sa schools supplies nga iyang ihatag sa gobernador.

Ang school supplies nga naglangkob sa mga papel, lapis, notebooks ug uban pa ihatag sa gobernador ngadto sa tanang mga eskuylahan sa probinsiya gikan sa elementary ngadto sa high school. – Chester Abadilla (BANAT NEWS)