Gerald-Sarah team- up isunod

CEBU, Philippines - Human sa John Lloyd-Sarah tandem, lain na pod ang ma-partner ni Sarah Geronimo sa umaabot niya nga pelikula — si Gerald Anderson. Napanlan-tawan nga muhakot og minilyon ang mao nga panagpares tungod kay sikat man nga product endorsers ang duha.              

Zorro March 2; KC -Piolo adto sa Paris March 10

Human sa malampusong pelikula nila ni KC Concepcion ug Richard Gutierrez nga When I Met You, mag-iya-iya una sila. Si Richard sa taping sa Zorro alang sa pilot episode niini karong Marso 2 ug si KC sa adlaw-adlaw nga taping sa local adaptation sa telebisyon sa Koreanovelang Lovers in Paris uban ni Piolo Pascual sa usa ka balay nga susama sa Paris didto sa Pampanga, diin sa Marso 10, molupad na pod ang duha alang sa tulo ka semana nga taping sa Paris.

All About Eve sa Singapore; Only You sa Korea

Bisan pa man sa gitawag nga “global recession”, padayon gihapong milingaw sa katawhan ang duha ka dagkong network sa nasud pinaagi sa mga teleserye. Una sa linya ang mga main leads sa Koreanovela adaptation sa GMA-7 nga All About Eve nga gilangkoban nila ni Iza Calzado, Sunshine Dizon, Alfred Vargas ug Mark Anthony Fernandez nga adunay Singapore cruise karong Marso 10. Karon pod nga semanaha, mas una nga molupad si Angel Locsin sa Korea alang sa Koreanovela adaptation nga Only You.

Juday dili katuohan

Daghan ang dili motuo sa pamahayag ni Judy Ann Santos nga wala pa sila’y napili nga tukmang panahon ug simbahan sa kasal nila ni Ryan. Kini tungod kay kung magpakasal kinahanglan nga magpa-reserve og sayo sa simbahan diin adto himuon ang seremonyas.