Apan sa maong pagpangronda bisan usa walay nadakpang caretaker o ba kaha ang tag-iya mismo sa balay nga gibutangan sa makina ang kapolisan.
Ang grupo ni SPO1 James Estrera sa Parian police station mikumpiskar sa usa ka molimoli nga may markang "TM" diha sa usa ka lawak sa City Center Public Market sa Camagayan.
Dali hinuong nanagan ang mga sugarol nga namusta sa maong makina ug walay tagbalay nga miangkon.
Samtang niadtong Huwebes ang grupo ni PO3 Allan Cuizon sa San Nicolas Police Station mikumpiskar sa usa ka moli nga may markang "LT" diha sa sitio Mahayahay 1 sa Suba.
Wala gihapoy nasikop nga sugarol ug caretaker sa maong operasyon sanglit giabandonar na ang gihimutangan niini.
Susama gihapon sa nakumpiskar sa grupo sa Pardo Police station pinanguluhan ni SPO3 Edgar Ocampo nga usa ka video karera walay bisan usa nga nadakpan.
Sagad sa mga video karera biyaan sa mga nanagduwa kung dunay mga polis nga mangabot apan hasta ang tagbalay moapil og ikyas hinungdan nga kanunay''ng walay madakpang personahe ang mga polis.
Ang video karera maoy nag-unang problema sa kapolisan dinhi sa dakbayan kung illegal gambling maoy hisgutan ug sunod usab ang masiao .