Si PO1 Navarro Padasas, kinsa usa sa mga testigos ni Fr. Domingo Tapic inubanan sa manlalaban sa mga residenteng gikiha sa maong pari nga si Atty. Joselito Lopez.
Si Padasas nga nagpuyo sa maong barangay unang miluwat og affidavit batok nila ni Tapic ug Msgr. Constantino Diotay, ang kura paroko sa Pardo Parish church sa dugay nga panahon.
Sa maong affidavit gibutyag ni Padasas ang tanang kabtangan ug bahandi nga nahipos sa duha ka mga pari sukad nga sila nadestino diha sa ilang parokya.
Ang mga residente sa maong barangay nga naghugpong ug gitawag nga Kalihukang Katoliko Karon 2, mireklamo kabahin sa maong mga bahandi ug mikwestiyon kung diin mikuha og kuwarta ang duha ka pari.
Si Padasas kinsa kanhi utility, worker sa simbahan sa Pardo nagkanayon nga giduol siya ug gikumbinsir nga bawion ang pamahayag tungod kay posibleng ibalhin ug destino ang duha kung modako ang kaso.
Giingong gipasaligan siyang tabangan nga makatrabaho hinungdan nga misugot siya paglagda sa ikaduhang affidavit nga maoy misuporta sa kihang libelo nga gisang-at ni Tapic ngadto sa 12 ka mga residenteng sakop sa KKK pila na ka bulan ang milabay.
Apan niadtong milabay'ng semana, matud pang Padasas nakunsensiya siya sa iyang paglagda sa ikaduhang affidavit, ilabi na dihang nakadungog siya og estoryang, di unta siya patrabahuon kung di palang siya "star witness" ni Tapic.Si Padasas miangkong duna siya'y deperensya sa pangdungog.
Si Atty. Lopez nagkanayon nga dako og ikatabang ang subling pagbarog ni Padasas sa nauna na niyang affidavit nga gisang-at nga kaso ngadto sa piskalya batok sa duha ka pari.