Kini tungod kay nahuman na ang kaugalingon nilang bomba sa tuig alang sa mga piniriso sa lalawigan nga gipatrabaho sa Kapitolyo, matud pa ni Pintor.
Sa sayo pa, mikisikisi si Pintor sa pagpamalhin sa 2,400 ka mga piniriso sa BBRC ngadto sa iyang duha ka bag-ong edipisyo sa Kalunasan kay nagtuo siya nga mangayo kinig suportang tubig sa barangay.
Matud pa ni Pintor nga niadtong higayona nga diha pa magsalig ang CPDRC sa suplay sa tubig sa barangay, di gyud siya makahatag sa BBRC og tubig sa kabalaka nga mahutdan unya sa tubig ang iyang mga molupyo.
Apan karon, okey na, matud pa ni Pintor ug gipaabot nalang niya nga makig-estorya kaniya ang Jail Warden sa BBRC alang ning maong katuyoan.
Hinoon nasayod siya nga makabaton ra gihapon og kaugalingong bomba sa tubig sa BBRC sama sa CPDRC kay may giandam mang salapi ang Bureau of Jail Management and Penology (BJMP) alang niini.
Ang dakong suliran karon kon may kaugalingon ba kining drainage nga dili na magsalig pa sa gamay'ng sapa sa Kalunasan alang sa ilang hugaw.
Hinoon kadtong baho kaayong ihi ug hugaw sa tawo gikan sa CPDRC, nasulbad na karon kay may water treatment nang gigamit ang taga CPDRC, busa nakapahuway na intawon ang taga Kalunasan da makamatay nga baho,matud pa ni Pintor.