Ang gidakop giila ni P02 Joel Caballero nga mao si Leonardo Apostol, 50, minyo nga taga Tubod, Badian.
Si Apostol maoy suspetsado sa pagpanunggab kang Esmeraldo Perolino, 46, minyo nga nagpuyo usab sa maong dapit.
Dugang nasayran sa Banat News kang P02 Caballero nga si Perolino nakabaton og samad dinunggaban sa iyang tiyan.
Gidala sa Badian District Hospital ang biktima apan gibalhin lamang usab sa Vicente Sotto Memorial Medical Center sa dakbayan sa Sugbo.
Si PO2 Caballero miingon nga si Apostol nga nakonbikto na sa kasong murder nahiuli sa maong dapit human sa pipila ka tuig nga pagkabilanggo sa Muntinlupa.
Nagkakita ang suspetsado ug ang biktima nga si Perolino kinsa bag-o pa usab nga nahiuli gikan sa Muntinlupa human sa pagserbisyo sa nakonbikto niining kaso nga frustrated murder.
Sumala pa ni P02 Caballero nga nag-inom ang duha ug dihang nangahubog na kalit lang nga nag-away nga misangko sa pagpanunggab.