Si Mayor Socrates Fernandez sa pakighinabi kagahapon sa Banat News nagkanayon nga ang siyudad nagdaginot sa salapi hinungdan nga walay mga aktibidades nga gipahigayon ug walay makatupong sa pagpapasalamat pinaagi sa pagpahigayon og santos nga misa.
Kagahapon gideklara ni Fernandez nga usa ka non-working holiday sa pampubliko ug pribadong establisamento lakip na ang mga tunghaan sa siyudad.
Ang misa gipahigayon alas 8:00 sa buntag diha sa Saint Teresa de Avila sa Barangay Poblacion diin ang mga opisyal sa siyudad, tinun-an, mga magtutudlo ug mga opisyal sa mga tunghaan ang mitambong niini.
Base sa mga impormasyon ang dakbayan nadiskubre niadtong 1836 nga usa ka kanhi Agustinian estate sa 1648 apan nahimong munisipalidad niadtong 1849 kinsa si Siverio Fernandez maoy unang gobernadorcillo ug si Pedro Labuca maoy kapitan.
Ang ngalan sa dakbayan naggikan sa tanom nga Magtalisay nga makita sa mga lugar sa siyudad.
Apan adunay mga residente sa lugar ang nagkanayon nga ang ngalan sa siyudad gisunod sa ngalan sa usa ka lungsod sa Espanya.
Niadtong World War II ang Talisay nahimong sentro sa mga operasyon sa guirilla intelligence dinhi sa Sugbo.